❓ Siz nima deb o‘ylaysiz, sentabr oyi boshidan O‘zbekistonda eng ko‘p yangi kompaniyalar qaysi hududda ochilgan?
Birinchi qarashda sanoat yoki qishloq xo‘jaligi rivojlangan hududlar yetakchi bo‘lganidek ko‘rinadi. Lekin raqamlar biroz boshqacha manzarani ko‘rsatadi.
📊 1 sentabrdan 15 sentabrgacha mamlakatda 4 855 ta yangi kompaniya ro‘yxatdan o‘tgan.
Eng qiziq jihati shundaki:
1️⃣ Toshkent shahri — 1 065 ta kompaniya — har to‘rtinchi yangi ro‘yxatdan o‘tgan kompaniya bu yerda ochilgan.
2️⃣ Ikkinchi o‘rinda — Toshkent viloyati (498 ta kompaniya).
3️⃣ Uchinchi o‘rinda Xorazm viloyati (476 ta kompaniya).
Faoliyat turlari (OKED) bo‘yicha qaraganda:
Eng ommalashgan yo‘nalishlar ulgurji va chakana savdo bo‘lib, faqat ushbu sektorda 989 ta yangi kompaniya ro‘yxatdan o‘tgan.
🔍 Bunday dinamika shuni ko‘rsatadiki, tadbirkorlar asosan savdo va xizmatlar sohasiga e’tibor qaratmoqda, kapital talab qiladigan tarmoqlar esa qiziqish doirasidan chetda qolmoqda.