📈2025 yil yanvar–avgust oylarida O‘zbekiston tashqi savdo aylanmasi $51,4 mlrd (+19,8%)ni tashkil etdi. Eksport — $22,98 mlrd (+31,3%), import — $28,45 mlrd (+11,8%). Tashqi savdo saldosi manfiy bo‘lishiga qaramay, u $7,94 mlrd dan $5,47 mlrd ga qisqardi. 📠Asosiy faktlar: ● Oltin eksporti — $8,42 mlrd (1,7 baravar o‘sish, 2024 yil yakuniy ko‘rsatkichidan yuqori). ● Xizmatlar eksporti — $5,7 mlrd (+24,8%), shundan turizm — $3,06 mlrd, transport — $1,83 mlrd. ● Sabzavot va mevalar eksporti — $1,27 mlrd (+37,3%), don mahsulotlari — $347,7 mln (+54,5%). ● Avtomobil importi — $2,18 mlrd (+2,9%), biroq yengil avtomobillar 29,7% ga kamaydi ($640,9 mln). Shu bilan birga, ehtiyot qismlar importi 40,9% ga oshib $1,12 mlrd ga yetdi. ● Go‘sht va go‘sht mahsulotlari importi — $504,7 mln (+73,3%), yog‘ va moylar — $312,6 mln (+63,1%), sut mahsulotlari — $212,7 mln (+48,7%). ● Gaz importi $885,9 mln gacha kamaydi (-27,9%), gaz eksporti esa $494,7 mln gacha oshdi (+24,1%). Savdo hamkorlari: ● Xitoy — $9,7 mlrd (+21%). ● Rossiya — $8,3 mlrd (+6,5%). ● Qozog‘iston — $3 mlrd (+15%). ● Afg‘oniston — $1 mlrd (+51%). ● Hindiston — $858 mln (+42%). ● BAA — $823 mln (+90,1%). ● Fransiya — $991 mln (+18,5%), Germaniya — $854 mln (+25%), Niderlandiya — $265,5 mln (+52,8%). Eksport o‘sishini oltin, xizmatlar va oziq-ovqat mahsulotlari qo‘llab-quvvatladi. Savdo o‘sish sur’atlarida Afg‘oniston, Hindiston va BAA yetakchilik qilmoqda.